Komantè yon gwo fanatik rap kreyòl lòt bò dlo
PAP/Haiti -- Gen yon bagay mwen li sou blòg ou a ki pa fè
kè'm kontan ditou. Se zafè beef nan mouvman an. Mwen pa gen problem ak "battle rap", fristal konpetisyon kote MC's yo ap koke mikro youn ak lòt pou wè kilès ki
ka diss lot pi byen. Men zafè beef la mwen pa renmen sa. Zafè pou solda mouvman an ap rale zam youn sou lòt oubyen ap kite move san fè yo fè tenten pou yo sal
figi mouvman se pa yon bagay ke mwen renmen ditou.
M'espere nèg Rockfam ak nèg Barikad yo ap chache yon jan pou rezoud problem yo san yo pa bezwen nan vyolans. Nou paka ap rape kont vyolans epi pandan tan sa nou pa ka antann nou. Mwen konprann nou tout se moun ak kalite e defo. Youn gen dwa pa renmen sa lòt ap fè nan mouvman an; men li enpotan pou youn respekte dwa ak lavi lòt la.
Siyen: Fred A.K.A. Pè Toma
Festival Rap Rapproche
PAP/Haiti -- Planèt kreyòl ansanm avek Rapproche ki se yon yon emisyon ki fèt chak samdi sou antèn li ap prepare dezièm edisyon Festival Rap yo a nan klib Rekreyasyon nan dat 29 avril 2006. Ane sa-a pap gen konpa ladan-l e sa fè anpil rapè plezi.
Anpil gwoup reponn pou yo prezan nan festival sa-a, men Barikad Crew pa aksepte kondisyon yo, kidonk li konte patisipe nan yon lòt cho k'ap fèt nan Kafou menm jou a depi nan maten.
Anpil moun di ke Barikad pa vle patisipe paske yo gen pwoblèm ak Rockfarm, gen moun ki di lòt bagay. N'ap cheche plis enfòmasyon sou kesyon sa-a epi n'ap tounen ak repons. N'ap fè'w konnen tou, ki gwoup k'ap nan festival la.
Rap kreyol la ap vale teren
PAP/Haiti -- Depi fen lane 2005, gen yon gwoup ki ap fè anpil moun pale, se BARIKAD CREW ki jodi a nan yon gwo chirepit ak lot klan rapè nan Delmas. Yon bagay k'ap bay anpil pwoblèm nan mouvman.
Dènyeman, se pa de tansyon ki te genyen nan lékol Nouvelle Lune, kote Barikad t'ap jwe anfas Rockfarm. Zam manke rale. M'ap tounen sou sijè sila, ak plis detay paske nou gen entèvyou manm Barikad ak manm Rockfarm ki pale avek reprezantan RAPFORUM, ki limenm se yon oganizasyon ki pa pran pati pou pèsonn.
Gen plizyè lot "beef" nan mouvman an jodi a. Se komsi chak fwa Rap Kreyol la ap vale teren, gen moun ki simen pwav pou fè atis yo goumen, paske se fason ki pi fasil pou kraze mouvman.
Interview
Zoe Nas, animateur Hip Hop à Megastar / Propos recueillis par Pitog / 21/04/2007